Henties Cilliers

WELKOM BY HENTIES SE WEBTUISTE !!!

Met sy trotse en tradisieryke verlede het Hentie Cilliers hom nie net as een van die top skole in die Vrystaat gevestig nie, maar inderdaad as een van die top skole in die land. Deur die jare is `n kultuur van betrokkenheid en vernuwing by Henties geskep.

Hier word deur middel van `n roepingsbewuste benadering gepoog om nie net aan die leerlinge en ouers van ons skool ons beste te lewer nie, maar ook aan die gemeenskap van Virginia.

`n Goedtoegeruste en gemotiveerde span personeellede maak dit hulle lewenstaak om die missie van die skool daagliks uit te leef en na te streef.

Die Personeel poog om dit te bewerkstellig deur aan al die lewensvlakke van ons leerlinge te werk. Deur aan die totale kind aandag te gee, is dit ons doelstelling om gebalanseerde en meelewende leerlinge die wêreld in te stuur sodat elkeen vir hom/haar `n staanplek in die lewe kan vestig. Ons is trots oor wat deur ons leerlinge bereik is en wat hul steeds op alle vlakke van die lewe bereik. Dit is vir ons lekker om daagliks te verneem van die assosiasie van ons oud skoliere wat bewys dat as jy eenmaal `n Hentie is, bly jy `n Hentie.

wpe5.jpg (7620 bytes) wpe7.jpg (7762 bytes)

MNR A VORSTER -SKOOLHOOF- MNR E MARX -ADJUNKHOOF-

Dit sal vir ons `n voorreg wees om jou as leerling van Henties te verwelkom en `n hegte vennootskap met u as ouers aan te knoop. Ons onderneem om net ons beste vir u kind te lewer, maar hierin het ons ook hulp, lojaliteit en ondersteuning nodig om hierdie pragtige skool nog verder uit te bou.

Jy word hartlik uitgenooi om hierdie uitnodiging te aanvaar en so deel te word van `n wenspan.

Ons sien uit na jou koms !

Om ons missie te bereik visualiseer ons die volgende breë doelstellings:

	Om onderwysers wat onderrig, opvoeding en opleiding insluit, ingevolge die Wet aan die leerlinge te bied.
	Om enige eiendom of inkomste ter bevordering van die leerlinge wat die skool bywoon, aan te wend.
	Om leerlinge toe te rus met `n Christelike lewens- en wêreldbeskouing sodat hulle die Drie-enige God as hoogste Gesag sal erken.
	Om leerlinge toe te rus met `n liefde vir eie taal en kultuur en `n trots en lojaliteit teenoor die land.
	Om gedissiplineerde burgers te lewer wat trots is op eie waardes en simbole, maar ook begrip en eerbied het vir die waardes en voorkeure van ander.
	Om `n gesonde lojaliteit en trots in die leerlinge teenoor die skool te kweek deur eenvormigheid onder die leerlinge te bevorder.
	Om akademiese skoling van die hoogs moontlike gehalte aan elke leerling te bied deur die medium van Afrikaans.
	Om `n gesonde verhouding te handhaaf tussen verskillende onderwysvennote, te wete die professionele onderwyserskorps, die ouergemeenskap en die kerke.
	Om die leerlinge fisies te ontwikkel deur `n verskeindenheid sportsoorte aan te bied ten einde elke leerling tot sy hoogste potensiaal te ontwikkel en gesonde wedywering met die regte sportmangees te bevorder.

`n Skool is `n gebou met vier mure met binne-in die dag van môre!

HENTIES E-POS: henties@iafrica.com

Webmaster:Nicolene van der Walt
(nicolenevdw@yahoo.com)